“Turan Tovuz” bu gün “Paxtakor”la qarşılaşacaq

Türkiyənin Antalya şəhərində təlim-məşq toplanışında olan “Turan Tovuz” bu gün ikinci yoxlama oyununa çıxacaq.

Komanda.az xəbər verir ki, Tovuz təmsilçisi Özbəkistanın yüksək liqasında mübarizə aparan “Paxtakor”la üz-üzə gələcək. Qarşılaşmaya saat 17:00-da start veriləcək.

“Paxtakor” Özbəkistan çempionatında 38 xalla 6-cı yerdə qərarlaşıb.

“Turan Tovuz” Antalyadakı ilk yoxlama görüşündə “Qloriya Bizau”ya (Rumıniya) 0:2 uduzub.