“Napoli”nin futbolçusu “Fiorentina”ya keçəcək

“Napoli”nin yarımmüdafiəçisi Mikael Folorunşo qış transfer pəncərəsində komandasını dəyişəcək.

Komanda.az “Sky Sport Italia”-ya istinadən xəbər verir ki, İtaliya millisinin Nigeriya əsilli yarımmüdafiəçisi icarə əsasında “Fiorentina”ya keçəcək.

Müqavilədə 26 yaşlı oyunçunun geri alına biləcəyi məbləğ 8 milyon avro olacaq. “Napoli” yayda onunla müqaviləni uzadıb.

Folorunşo bu mövsüm A Seriyasında 6 matçda iştirak edib, cəmi 31 dəqiqə meydanda olub. O, ötən mövsümü icarə əsasında “Verona”da keçirib.