Camal Virtsi özünə rəqib kimi görmür

“Bayern”in futbolçusu Camal Musiala “Bayer”in üzvü Florian Virtslə rəqabətlə bağlı sualı cavablandırıb.

Komanda.az “Bayern&Germany”-ə istinadən xəbər verir ki, almaniyalı oyunçu, müqayisələrin kənardan gəldiyini bildirib:

“Bizim aramızda rəqabət varmı? Mən belə deməzdim. Müqayisələr kənardan gəlir. Mən həmişə daha yaxşı olmaq, təkmilləşməyə davam etmək istəyirəm və Virtsi öz rəqibim kimi görmürəm. Bununla belə, sosial şəbəkədə, məsələn, mən tez-tez oxşar müqayisələrə və videolara rast gəlirəm. Virtslə “Bayern”də oynamaqdan xoşbəxt olaram”.

Almaniya millisinin 21 yaşlı oyunçuları tez-tez müqayisə edilir.