“Biz də onu heyətimizdə görməyi istəmişdik, amma…” – Qvardiola

İngiltərənin “Mançester Siti” klubunun baş məşqçisi Pep Qvardiola “Lester”in müdafiəçisi Harri Maquayr haqqında açıqlama verib.

Komanda.az İngiltərə mətbuatına istinadən xəbər verir ki, “Mançester Yunayted”ə transfer olunmağa hazırlaşan futbolçu haqqında danışan ispan mütəxəssis, onun haqqında bunları deyib:

“Maquayr möhtəşəm futbolçudur. O, hava toplarında güclüdür, topla oynamağı bilir və sürətli hərəkət edir. Bundan başqa, yaşı da çox uyğundur. Biz də onu heyətimizdə görməyi istəmişdik, amma onun transferi bizim üçün baha oldu. “Mançester Yunayted” isə bu keçidi həll edə bildi. Onları bu transfer üçün təbrik edirəm”.

“Qırmızı şeytanlar”ın İngiltərə millisinin üzvü üçün “tülkülər”ə 85 milyon avro ödəməyə hazırlaşdığı bildirilir.