“Mbappe özünü sübut etməlidir” – Keçmiş futbolçu

Fransa millisinin və “Arsenal”ın sabiq hücumçusu Tyerri Anri həmyerlisi Kilian Mbappenin “Real”dakı çıxışı ilə bağlı fikirlərini bölüşüb.

Komanda.az “Marca”-ya istinadən xəbər verir ki, fransalı keçmiş futbolçu, Mbappenin oyununu yaxşılaşdırmalı olduğunu bildirib:

“Düşünürəm ki, komanda Kilianın çıxışından məyusdur. O, öz oyununu yaxşılaşdırmalıdır, bundan pis ola bilməz. Ondan topu saxlamaq tələb olunmur, Didye Droqbanın bacardığı kimi, bütün rəqibləri ötüb keçməyi istəyən də yoxdur. Amma o, komandanın xeyrinə özünü sübut etməlidir”.

Mbappe “kral klubu”nun sıralarına bu yay qoşulub. O, Madrid komandasının heyətində 15 oyun keçirib, 8 qol vurub və 2 məhsuldar ötürmə edib.