Almaniyanın superi – “Borussiya”!

Futbol üzrə Almaniya superkubokunun yeni qalibi müəyyənləşib.

Komanda.az xəbər verir ki, həlledici oyunda Bundesliqanın və Almaniya Kubokunun sonunu qalibi “Bavariya” ilə çempionatda ikinci yeri tutmuş Dortmund “Borussiya”sı üz-üzə gəlib.

Dortmunddakı “Siqnal İduna Park” stadionunda baş tutan qarşılaşma dortmundluların inamlı qələbəsiylə başa çatıb. 48-ci dəqiqədə Alkaserin, 69-da isə Sançonun vurduğu qollar sayəsində “Borussiya”, geridə qalan mövsümü “qızıl dubl”la başa vurmuş “Bavariya”nı devirərək superkuboka sahib çıxıb.

Bununla da Dortmund təmsilçisi tarixində 6-cı dəfə Almaniya superkubokunun qalibi olub. “Borussiya” bu baxımdan rekordçu (7) “Bavariya” ilə fərqi minimuma endirib.