Premyer Liqadan Super Liqaya

Türkiyənin “Dənizlispor” klubu heyətini yeni futbolçu ilə gücləndirib.

Komanda.az xəbər verir ki, yeni mövsümdən Super Liqada mübarizə aparacaq sözügedən klub İngiltərənin Premyer Liqa təmsilçisi “Kristal Pelas”dan ayrılan Bakari Sakonu transfer edib.

Bu barədə klubun rəsmi saytı məlumat yayıb. 31 yaşlı hücumameylli yarımmüdafiəçi ilə 1+1 illik müqavilə imzalanıb.

“Şatoru”nun yetirməsi olan Sako, daha öncə İngiltərədə “Vulverhempton”, “Vest Bromviç”, Fransanın “Sent-Etyen” klublarının da şərəfini qoruyub. Fransada anadan olmasına baxmayaraq, Mali yığmasında çıxış edib.