Kloppdan “Barselona”nın futbolçusu ilə bağlı açıqlama

“Liverpul”un baş məşqçisi Yurgen Klopp “Barselona”nın futbolçusu Filippe Koutinyo ilə bağlı açıqlama verib.

Komanda.az İngiltərə mətbuatına istinadən xəbər verir ki, Kataloniya klubundakı gələcəyi müzakirə olunan və yenidən “Liverpul”a qayıdacağı deyilən futbolçu haqqında danışan alman mütəxəssis, bunun mümkün olmadığını deyib:

“Koutinyonu almaq üçün olduqca böyük məbləğdə pul xərcləmək lazımdır. Bu il belə bir xərc çəkməyimiz mümkünsüzdür. Kountinyonun bu il “Barselona”da öz oyununu tapacağını düşünürəm”.

2018-ci ildə 145 milyon avro müqabilində “Liverpul”dan transfer olunan Koutinyo, son mövsümdə iştirak etdiyi 54 oyunda 11 qol vurub, 5 məhsuldar ötürmə edib.