Azərbaycan millisinin 3 üzvü beynəlxalq yarışın final mərhələsinə vəsiqə qazanıb

Azərbaycanın millisinin üç üzvü – Ayan Şabanova (batut gimnastikası), Hüseyn Abbasov (ikili mini-batut) və Ömər Qasımlı (ikili mini-batut) Portuqaliyanın Santarem şəhərində keçirilən batut gimnastikası, ikili mini-batut və tamblinq üzrə “Scalabis Cup” adlı beynəlxalq yarışın final mərhələsinə vəsiqə qazanıb.

Komanda.az xəbər verir ki, bu barədə Azərbaycan Gimnastika Federasiyası məlumat yayıb.

İyulun 11-də startı verilən “Scalabis Cup” ayın 13-də yekunlaşacaq.