“Uzun müddət idi ki, müqavilənin uzadılması haqda danışırdıq, lakin…” – “İnter”in futbolçusu

“İnter”in müdafiəçisi Denzel Dumfris Milan klubu haqqında fikirlərini bölüşüb.

Komanda.az xarici KİV-ə istinadən xəbər verir ki, niderlandlı futbolçu komandada özünü evdəki kimi hiss etdiyini bildirib:

“İnter”də özümü evdəki kimi hiss edirəm. Hamımız bir ailəyik. Uzun müddət idi ki, müqavilənin uzadılması haqda danışırdıq, lakin klubda maliyyə çətinliyi yaranıb. Klub artıq sahiblərini dəyişib. Amma Avropa çempionatı zamanı və ya bəlkə, ondan sonra nə olacağını görəcəyik”.

28 yaşlı futbolçu ötən mövsüm 36 oyun keçirib, 4 qol vurub və 6 məhsuldar ötürmə edib.