“Arsenal” sloveniyalı üçün 75 milyon avro ödəyə bilər

“Arsenal” yay transfer pəncərəsində hücum xəttini gücləndirə bilər.

Komanda.az “The Telegraph”-a istinadən xəbər verir ki, London klubu “Leyptsiq”in hücumçusu Benjamin Şeşko ilə ciddi maraqlanır. Futbolçunun potensial transfer məbləği 75 milyon avro olaraq qiymətləndirilir. Sloveniyalı futbolçu üçün mübarizədə londonluların rəqibləri “Mançester Yunayted” və “Milan”dır.

20 yaşlı hücumçu Almaniya çempionatının bu mövsümündə 30 oyun keçirib, 13 qol vurub və 2 məhsuldar ötürmə edib.