Benites Premyer Liqanın favoritini açıqladı

“Real”ın sabiq baş məşqçisi Rafael Benites “Mançester Siti”nin Premyer Liqa çempionluğu uğrunda mübarizədə şansları haqda fikirlərini bölüşüb.

Komanda.az xarici KİV-ə istinadən xəbər verir ki, ispaniyalı mütəxəssis, “Mançester Siti”nin yaxşı heyətə və böyük ehtiyat oyunçular skamyasına malik özünə güvənən komanda olduğunu bildirib:

“Mən qəbul edirəm ki, “Mançester Siti” də “Liverpul” və “Arsenal” kimi sıradan çıxa bilər, amma başqaları da səhv edəcək. Düşünürəm ki, “şəhərlilər” indi çempionluq yarışında favoritdir”.

Hazırda Xosep Qvardiolanın yetirmələri 71 xalla İngiltərə çempionatının turnir cədvəlinə başçılıq edirlər. “Şəhərlilər”in ən yaxın izləyiciləri “Arsenal” və “Liverpul”la aralarında 2 xal fərqi var.