Qattuzo B Seriyası komandasının baş məşqçi postuna namizəddir

İtaliya yığmasının sabiq müdafiəçisi Cennaro Qattuzo Eucenio Korinini “Palermo”nun baş məşqçisi vəzifəsində əvəzləməyə namizədlərdən biridir.

Komanda.az xəbər verir ki, bu barədə tanınmış jurnalist Nikolo Skira sosial şəbəkədə paylaşım edib.

İtaliyalı mütəxəssisin son iş yeri 2023-cü ilin sentyabrından 2024-cü ilin fevralına kimi çalışdığı Fransanın “Marsel” klubu olub. Qattuzo bundan əvvəl “Valensiya” (iyul 2022-yanvar 2023), “Napoli” (2019-2021) və “Milan”ın (2017-2019) baş məşqçisi olub.

“Palermo” hazırda İtaliya B Seriyasında çıxış edir. Komanda 31 turdan sonra 49 xalla 6-cı pillədə qərarlaşıb.