Ramaldanov qayıtdı, Volkov fərdi məşq etdi

Türkiyənin Bolu şəhərində təlim-məşq toplanışında olan “Qəbələ” növbəti mövsümə hazırlığını davam etdirir.

Komanda.az xəbər verir ki, “qırmızı-qaralar” hazırlıq prosesinin altıncı gününü arxada qoyub.

Komanda günü iki məşqlə yekunlaşdırıb. Futbolçular hər iki məşq zamanı əsasən toplu çalışmaları yerinə yetiriblər. Bərpa prosesi keçən Davit Volkov fərdi hazırlıqla kifayətlənib. Zədədən sonrakı bərpa dövrünü başa vuran Rasim Ramaldanov isə komandaya qoşularaq, kollektiv çalışmalarda iştirak edib.