“Biz “Barselona”yıq, burada heç kim rahat olmur” – Xavi

“Barselona”nın baş məşqçisi Xavi La Liqanın 29-cu turu çərçivəsində səfərdə “Atletiko” üzərində qazanılan qələbəni (3:0) şərh edib.

Komanda.az “Marca”-ya istinadən xəbər verir ki, ispaniyalı mütəxəssis komandasının yaxşı oyun nümayiş etdirdiyini bildirib:

“Biz azad zonalara çox yaxşı hücum etdik. Bu, bizim metodologiya və oyun fəlsəfəmiz baxımından mükəmməl uyğunluqdur. Biz “Barselona”yıq, burada heç kim rahat olmur. Futbolçulara həmişəkindən daha çox təzyiq göstərəcəm. Xüsusilə də, gedəcəyimi nəzərə alsaq”.

Kataloniya klubu 64 xalla La Liqanın turnir cədvəlində “Jirona”nı (62 xal) qabaqlayaraq ikinci yeri tutur.