“İnter”də yeni futbolçu

İtaliyanın “İnter” klubu heyətini yeni futbolçu ilə gücləndirib.

Komanda.az xəbər verir ki, Milan təmsilçisi Kanada yığmasının və Belçikanın “Brügge” klubunun sağ cinah vingeri Teycon Byukenenlə güclənib.

24 yaşlı futbolçu ilə müddəti 2028-ci ilin yayınadək müqavilə imzalanıb. “İnter” bu transfer üçün “Brügge”yə 7 milyon avro ödəyib.

Kanadalı futbolçu daha öncə “Siqma” və “Nyu İnqlend Revolyuşn” klublarının da formasını geyinib. O, Kanada millisində 35 oyuna 4 qol vurub.