Premyer Liqa klubunda 3,5 illik müqavilə

“Vest Hem” təcrübəli futbolçusu Tomaş Souçeklə yeni müqavilə imzalandığını açıqlayıb.

Komanda.az xəbər verir ki, bu barədə İngiltərə klubunun rəsmi saytı məlumat yayıb.

Müqaviləsinin müddəti mövsümün sonunda bitəcək 28 yaşlı futbolçu ilə 2027-ci ilə qədər qüvvədə olan yeni sözləşmə imzalanıb.

“Vest Hem” Souçeku 2020/21 mövsümünün əvvəlində “Slaviya”dan (Praqa) 16,2 milyon avroya transfer etmişdi. O, bu komandada 182 matça çıxıb, 30 qol vurub.