Fərid Qayıbov: “Hazırda vəziyyət istədiyimiz kimi deyil”

Gənclər və idman naziri Fərid Qayıbov Azərbaycan Voleybol Federasiyasının 2023-cü ildəki fəaliyyətinə həsr olunmuş mətbuat konfransında iştirak edib.

Komanda.az xəbər verir ki, nazir “Xarı Bülbül” komandasının üzləşdiyi maliyyə problemi barədə danışıb:

“Problemlərdən çox danışmaq olar. Nazirlik hansısa kluba birbaşa dəstək ola bilməz.

Biz klublara sponsorların gəlməsi barədə düşünməliyik. Nazirlik bununla bağlı müəyyən işlər görür. Amma gələnlərin də marağı olmalıdır. Hər iş büdcədən asılıdır. Gəlirlərimlə xərclərim fərqlidirsə, borclar yaranacaq. Elə bir zamana çataq ki, klublara şərait yaradaq, inkişaf etsinlər. Hazırda vəziyyət istədiyimiz kimi deyil. Reallıqlar var. Azərbaycanda klubların sayının artması üçün çalışmalıyıq”.