“Maquayra qarşı biabırçı davranırlar” – Keçmiş futbolçu

İngiltərə millisinin sabiq futbolçusu Ceymi Rednapp “Mançester Yunayted”in müdafiəçisi Harri Maquayr haqda fikirlərini bölüşüb.

Komanda.az xarici KİV-ə istinadən xəbər verir ki, o, ingilis futbolçuya lağ edən azarkeşləri tənqid edib:

“Peşəkar kimi düşünürəm ki, azarkeşlər Maquayra qarşı biabırçı davranırlar. Harada oynamasına baxmayaraq, “Mançester Yunayted” və İngiltərə millisinin azarkeşləri ona lağ edirlər. Bu münasibət ədalətsizdir. Maquayr “Şeffild Yunayted”ə qarşı matçda vacib oyunçu olduğunu göstərdi. Təbii ki, səhvləri olub, hamı səhv edir. Ancaq bəzi digər oyunçular öz səhvlərindən sonra Maquayrın aldığı tənqidlərin dörddə birini belə, qəbul etmirlər. Tamamilə ədalətsidir.

O, oynayanda həqiqətən komandanın çıxışına təsir edir. Mən hesab etmirəm ki, Maguayr uzun müddət “Mançester Yunayted”də qalacaq. O, son vaxtlar əla formadadır, amma düşünürəm ki, yolunu başqa yerə çevirməli ola bilər. Amma yenə də, aldığı tənqidə layiq deyil. Bütün bunlar kəmərdən aşağı zərbədir və bəzən utancvericidir”.