Simeone daha 2 il “Atletiko”da qalacaq

“Atletiko” rəhbərliyi komandanın baş məşqçisi Dieqo Simeone ilə müqaviləni uzatmaq qərarına gəlib.

Komanda.az “El Chiringuito” nəşrinə istinadən xəbər verir ki, 53 yaşlı mütəxəssislə yeni müqavilə 2025-ci ilə qədər nəzərdə tutulub.

Simeone 2011-ci ildən “Atletiko”nu çalışdırır. Argentinalı məşqçi bu müddət ərzində Madrid klubu ilə iki dəfə İspaniya çempionatının və superkubokunun, iki dəfə Avropa Liqasının və UEFA superkubokunun qalibi olub.