“Roma”da Mourinyonu əvəz edəcək şəxslərin adları açıqlanıb

İtaliyanın “Roma” klubu rəsmi saytında baş məşqçi Joze Mourinyo haqda açıqlama verib.

Komanda.az xəbər verir ki, İtaliya A Seriyasının birinci turunun “Salernitana” ilə qarşılaşmasında “canavarlar”ı oyuna portuqaliyalı mütəxəssis yox, klubun idman direktoru Bruno Konti çıxaracaq.

Konti isə məsələ ilə bağlı bunları deyib:

“Əlbəttə, Mourinyo “Roma”nın baş məşqçisidir. O cəzalı olduğu üçün komandanı məşqçi Stefano Rapetti idarə edəcək. Rəhbərlik bu məsələdə ona kömək etməyimi istədi. Mən də öz işimi görməyə çalışacam. Yeni mövsümün ilk matçında stadion dolu olacaq. Mənə etimad göstərdikləri üçün rəhbərliyə, Mourinyoya təşəkkür edirəm! Komanda üçün əlimdən gələni etməyə çalışacam. Elə məşqçilər korpusuna da minnətdaram! Azarkeşlərin bizə olan dəstəklərini daha yaxından duymağın nə qədər gözəl olacağını bilirəm”.

“Roma” – “Salernitana” matçı 20 avqustda, saat 20:30-da başlayacaq.