“Mançester Siti”nin futbolçusu “Barselona”ya keçmək istəyir

“Mançester Siti”nin müdafiəçisi Joao Kanselo “Barselona”ya keçmək istəyir.

Komanda.az xarici KİV-ə istinadən xəbər verir ki, futbolçu artıq “Barselona” ilə şəxsi müqavilənin şərtlərini razılaşdırıb.

Kataloniya klubunun baş məşqçisi Xavi portuqaliyalı oyunçunu komandasında görmək istəyir. “Barselona” hazırda Kanselonun transferi ilə bağlı “şəhərlilər”lə danışıqlar aparır. Kataloniya klubu Osman Dembelenin PSJ-yə satışından əldə olunan vəsaitin bir hissəsini Kanselonun transferində istifadə etməyi planlaşdırır.

29 yaşlı futbolçu ötən mövsümün ikinci hissəsini icarə əsasında “Bayern”də keçirib.