“Yuventus”dan ayrılan futbolçu “İnter”lə anlaşıb

“Yuventus”un sabiq yarımmüdafiəçisi Xuan Kuadrado qısa zamanda “İnter”ə keçəcək.

Komanda.az İtaliya mətbuatına istinadən xəbər verir ki, onun “neradzurra”ya keçidi ilə bağlı bu həftə rəsmi açıqlama veriləcək. 35 yaşlı oyunçu “İnter”lə 2024-cü ilə qədər nəzərdə tutulan müqavilə imzalayacaq.

“Qoca sinyora” iyunun sonunda kolumbiyalının klubdan ayrıldığını elan edib.

Kuadrado 2015-ci ildən Turin təmsilçisində forma geyinib. Bu müddətdə o, 314 oyuna çıxıb, 26 qol vurub və 65 məhsuldar ötürmə edib.