Messinin xəyalı gerçəkləşib – FOTO

“İnter Mayami”nin hücumcusu Lionel Messi sosial şəbəkə hesabında yeni paylaşım edib.

Komanda.az xəbər verir ki, o, siması olduğu ABŞ brendi “Hard Rock Cafe”nin “Messi Chicken Sandwich” məhsulunun tanıtım videoçarxında iştirak edib.

Argentinalı forvard bu haqda belə yazıb:

“Daha bir xəyalım gerçəkləşdi! “Hard Rock Cafe” ilə birgə ərsəyə gətirdiyimiz “Messi Chicken Sandwich”i təqdim etməkdən məmnunam. Bu, ən sevdiyim yeməkdən – “Milanesa”dan (İtaliya mətbəxinə məxsus təam) ilhamlanaraq hazırlanıb. Dadmağa tələsin!”

Messi son iki mövsümdə forma geyindiyi Fransanın PSJ klubundan azad agent olaraq ayrıldıqdan sonra “İnter Mayami”yə keçdiyini açıqlayıb. O, peşəkar futbolçu karyerasının böyük hissəsini İspaniya “Barselona”sında keçirib.