Ronaldonun bacısı: “O, heç vaxt spirtli içki içməyib”

Kriştiano Ronaldonun bacısı Elma Aveyro qardaşı barədə maraqlı açıqlama verib.

Komanda.az xarici KİV-ə istinadən xəbər verir ki, o, portuqaliyalı futbolçunun heç vaxt spirtli içki qəbul etmədiyini bildirib:

“Ronaldo əvvəldən heç kimin kölgəsi olmayacağına dair qəti qərar qəbul edib. O, heç vaxt spirtli içki içməyib”.

AÇ-2024-ün seçmə mərhələsinin dördüncü turunun Portuqaliya – İslandiya (1:0) qarşılaşmasında komandasının qələbə qolunu vuran Kriştiano yığmanın heyətində 200-cü oyununu keçirib.

Hazırda Səudiyyə Ərəbistanı klubu “Əl-Nəsr”də çıxış edən forvard karyerası ərzində “Sportinq”, “Mançester Yunayted”, “Real”, “Yuventus” kimi klublarda forma geyinib.