Ronaldo: “Belə təqdimatlar uzun müddət yaddaşlarda qalır”

Kriştiano Ronaldo “Əl-Nəsr”ə transfer olduqdan sonra keçirilən təqdimat mərasimi haqda danışıb.

Komanda.az xarici KİV-ə istinadən xəbər verir ki, o, həmin gün bir az gərgin olduğunu diqqətə çatdırıb:

“Bu kluba gəldiyim günü xatırlayıram. Bir az gərgin idim. Stadion tamamilə dolmuşdu. Ailəm də mənimlə birlikdə idi. Mənim üçün yeni macəra olacaqdı. Hazırda hər şey mənim üçün tam başqa olub: daha rahatam, buraya uyğunlaşıram.

Təqdimat günüm əla keçdi. Əslində, öncədən baş verəcəkləri təxmin edirdim. Çünki “Əl-Nəsr”ə keçidim təkcə mənim və ailəm üçün yox, azarkeşlər üçün də xüsusi hadisə idi. Olduqca qeyri-adi, fantastik gün idi. Futbolda yaşadığım ən gözəl günlərdən biri hesab edə bilərəm. Belə təqdimatlar uzun müddət yaddaşlarda qalır”.

Portuqaliyalı futbolçu yanvarın 4-də Səudiyyə Ərəbistanı klubunun oyunçusu kimi təqdim olunub.

Xatırladaq ki, o, “Əl-Nəsr”lə 2 illik müqavilə imzalayıb.