“Barselona”nı tərk etmək istəyir – Mövqeyindən narazıdır

“Barselona”nın yarımmüdafiəçisi Rafinya klubu tərk edə bilər.

Komanda.az “Mundo Deportivo”-ya istinadən xəbər verir ki, 26 yaşlı braziliyalı “Barselona”da hücumun sol cinahında oynamasından narazıdır. Çünki o, sağ cinahda oynamağa üstünlük verir. Lakin bu zonada yeri Osman Dembele tutur.

“Nyukasl” klubu Rafinyanın xidmətində maraqlıdır.

Rafinya ötən yaydan kataloniyalıların heyətində çıxış edir. Bu mövsüm o, bütün yarışlarda 43 oyuna çıxıb, 9 qol vurub və 10 məhsuldar ötürmə verib.