“Bu, tarixi sövdələşmədir” – “Əl Nəsr” rəsmisi

“Əl Nəsr”in baş direktoru Əhməd Əl-Həmdi Kriştiano Ronaldo barədə danışıb.

Komanda.az “sportskeeda”-ya istinadən xəbər verir ki, o, portuqaliyalı forvardla imzaladıqları müqaviləni tarixi sövdələşmə adlandırıb:

“Ronaldonun gəlişi liqamıza çox təsir etdi. Onun transferi ilə futbolçularla danışıqlar aparmaq daha rahat oldu. Bu, tarixi sövdələşmədir. Eyni zamanda, müdrik rəhbərliyin bizə göstərdiyi hədsiz dəyərin sübutudur.

Onunla sözləşmə imzalamağımız bütün dünyada sensasiya kimi qəbul olundu. Kriştianonun transferi Səudiyyə Ərəbistanının imicinə hələ çox müsbət təsir göstərəcək. Həm də, ölkəmizin tərəqqisi yüksələn xətlə inkişaf edəcək”.

Ronaldo “Əl Nəsr”lə 2 illik müqaviləyə imza atıb. “Qızıl top”un beşqat qalibinin sözləşməsi 2025-ci ilədək nəzərdə tutulub.

Portuqaliya milli komandasının üzvü “Əl Nəsr”in heyətində 8 oyuna çıxıb, 9 qol vurub və 2 məhsuldar ötürmə edib.