Ronaldo yenə özünü təriflədi

“Əl-Nəsr”in və Portuqaliya millisinin hücumçusu Kriştiano Ronaldo özünü futbol tarixinin ən yaxşı oyunçusu hesab edir.

Komanda.az xəbər verir ki, Ronaldo “Goal Arab”-a bu barədə belə deyib:

“Mən futbol tarixinin ən yaxşı oyunçusuyam”.

Portuqaliyalı hücumçu karyerası ərzində bir çox şəxsi mükafatlar, o cümlədən beş “qızıl top” qazanıb. O, həmçinin “Real”la 5 dəfə Çempionlar Liqasının qalibi olub.

“Əl-Nəsr”ə qədər o, “Sportinq”, “Mançester Yunayted”, “Real” və “Yuvenuts”da çıxış edib.

38 yaşlı futbolçu bu mövsüm Səudiyyə Ərəbistanı komandasında 8 oyun keçirib, 9 qol vurub və 2 məhsuldar ötürmə edib.