“Hakimlik bərbad idi” – Murad Musayev

“Sabah”ın baş məşqçisi Murad Musayev Azərbaycan Premyer Liqasının 23-cü turu çərçivəsində “Turan Tovuz”a qarşı keçirdikləri oyunu şərh edib.

Komanda.az xəbər verir ki, o, 0:2 hesabıyla uduzduqları matçdan sonra keçirilən mətbuat konfransında bunları deyib:

“Oyuna çox pis başladıq. İkili mübarizələrdə uduzurduq. Müdafiədə səhvlər etdik. İkinci hissədə nə qədər etsək də, heç cür dəyişiklik edə bilmədik.

Hakimdən soruşmaq lazımdır ki, nə üçün orada mənə qırmızı vərəqə göstərdi. Səbəbini bilmirəm. Hakim bu gün çox ədalətsiz qərarlar verirdi. Penalti təyin etdi və mən emosional reaksiya göstərdim.

Hakimlər akkreditasiya vərəqəsi ilə daha çox sıx maraqlanırlar. Mən bunu başqa heç bir liqada görməmişəm. Bundan əvvəlki oyunumuzda da çox səhvlər edirdilər. Mən sizə sırf hakimlərin on səhvini göstərə bilərəm.

Məğlubiyyətdə günahkar özümüzük. Hakimlik isə bərbad idi. İkinci hissədə qol fürsətlərimiz oldu. Lakin yararlana bilmədik. Müdafiəmizdə olan kobud səhvlərdən sonra onlar ikinci qolu vurdular”.

Rövşən Əlisoy