Yarış ləğv edildi – Azərbaycanlı idmançılar geri qayıdır

Türkiyənin İstanbul şəhərində olan Azərbaycan millisinin taekvondoçuları yaxın zamanda paytaxt Bakıya qayıdacaqlar.

Bu barədə Komanda.az-a Azərbaycan Taekvondo Federasiyasının mətbuat xidmətindən məlumat verilib.

İdmançılar açıq Türkiyə çempionatı ləğv edildiyi üçün geri dönəcəklər.

Azərbaycan yığması fevralın 4-də start götürən prezident kubokunda mübarizə aparıb, 58 kq çəki dərəcəsindəki Qaşım Maqomedov qızıl medal qazanıb.

Güclü zəlzələ səbəbindən yarış yarımçıq dayandırılıb. Komanda 10-14 fevralda açıq ölkə çempionatında çıxış etməli idi.

Türkiyədə baş vermiş zəlzələ ilə əlaqədar bütün daxili idman tədbirləri təxirə salınıb.