Azərbaycanlı gimnast “bürünc” qazandı

Bədii gimnastika üzrə Azərbaycan milli komandasının daha bir üzvü Macarıstanda keçirilən “Gracia Fair Cup” beynəlxalq turnirində medal qazanıb.

Federasiyadan Komanda.az-a verilən məlumata görə, Alina Məmmədova çoxnövçülük üzrə 3-cü olub.

Daha əvvəl Fidan Qurbanlı eyni növdə qızıl medala yiyələnib.

Yığmanın digər üzvləri Şəms Ağahüseynova halqa ilə, Leyli Ağazadə isə halqa və top ilə hərəkətlərin icrasında finala vəsiqə qazanıb.