“Milan”dan baş məşqçisi ilə yeni müqavilə

İtaliyanın “Milan” klubu baş məşqçi Stefano Pioli ilə yeni müqavilə bağlayıb.

Komanda.az xəbər verir ki, bu barədə klubun rəsmi saytı məlumat yayıb.

57 yaşlı mütəxəssislə sözləşmənin müddəti 2025-ci ilin yayınadək uzadılıb. Onun əvvəlki müqaviləsi 2023-cü ilin iyununda başa çatmalı idi.

Xatırladaq ki, “Milan” ötən mövsüm Stefano Piolinin rəhbərliyi altında A Seriyasının qalibi olub. Hazırda komanda 26 xalla turnir cədvəlinin 3-cü pilləsində qərarlaşıb.