“Marsel”in hücumçusunu transfer edir – “Qarabağ”ın rəqibi

“Qarabağ”ın UEFA Avropa Liqasının qrup mərhələsindəki rəqiblərindən olan “Olimpiakos” daha bir futbolçu transfer etməyə yaxındır.

Komanda.az xəbər verir ki, bu barədə italiyalı insayder Fabrizio Romano özünün sosial şəbəkə hesabında paylaşım edib. Onun sözlərinə görə, Yunanıstan təmsilçisi Fransa “Marsel”ində çıxış edən Sedrik Bakambu ilə anlaşıb. 31 yaşlı fransalı hücumçu yaxın günlərdə yeni klubu ilə müqavilə imzalayacaq.

“Olimpiakos” daha əvvəl Xames Rodriges və Marselo kimi tanınmış futbolçuları heyətinə qatıb.

“Qarabağ” “Olimpiakos”a qarşı ilk oyununu oktyabrın 6-da səfərdə, növbəti matçını bir həftə sonra Bakıda keçirəcək.

Bizi Telegramda izləyin