Pepe “Nitsa”da

İngiltərənin “Arsenal” klubu yarımmüdafiəçisi Nikolya Pepe ilə yollarını ayırıb.

Komanda.az xəbər verir ki, 27 yaşlı vinger Fransanın “Nitsa” klubuna icarəyə verilib. Bu barədə sözügedən klublar rəsmi saytları vasitəsilə məlumat yayıblar.

Fil Dişi Sahilindən olan futbolçu 2023-cü ilin 30 iyununa kimi Liqa 1 təmsilçisində çıxış edəcək.

Nikolya Pepe “Arsenal”a 2019-cu ildə Fransanın “Lill” klubundan 70 milyon avro qarşılığında transfer olunmuşdu. O, həmin dövrdən bəri London təmsilçisində 111 oyuna çıxıb, 27 qol və 21 məhsuldar ötürmə müəllifi olub.

Pepe karyerası ərzində “Puatye”, “Anje” və “Orlean” klublarının da formasını geyinib. O, Fil Dişi Sahili yığmasında 34 oyuna çıxıb, 9 qol vurub.