Konfrans Liqası: “Neftçi”nin potensial rəqibləri azaldı

UEFA Konfrans Liqasının pley-off mərhələsinin püşkatmasından əvvəl “Neftçi”nin potensial rəqiblərinin sayında azalma baş verib.

Komanda.az xəbər verir ki, “ağ-qaralar” 3-cü təsnifat mərhələsində Avstriya “Rapid”ini (Vyana) üstələyəcəyi təqdirdə, səpələnməmişlər səbətində yer alacaq.

Potensial rəqiblər isə 3 cütdən birinin qalibi olacaq:

“Hayduk” (Split, Xorvatiya) – “Vitoriya” (Portuqaliya)

“Vaduts” (Lixtenşteyn) – “Konyaspor” (Türkiyə)

“Vikinq” (Norveç) – “Sliqo Rovers” (İrlandiya)

Pley-off mərhələsinin püşkü avqustun 2-də, saat 16:00-da atılacaq. 18 avqustda pley-off mərhələsinin ilk oyunu, 25 avqustda isə cavab matçı keçiriləcək. “Neftçi”nin “Rapid”lə ilk görüşü avqustun 4-də evdə, cavab qarşılaşması avqustun 11-də səfərdə olacaq.