“Qarabağ”la oyundan sonra qovula bilər – Franko Foda

İsveçrənin “Sürix” komandasının baş məşqçisi Franko Foda istefaya göndərilə bilər.

Komanda.az yerli mətbuata istinadən xəbər verir ki, UEFA Çempionlar Liqasının 2-ci təsnifat mərhələsinin cavab oyununda “Qarabağ”a mümkün məğlubiyyət avstriyalı mütəxəssisin qovulması ilə nəticələnəcək.

Mövsümə uğursuz start verən Sürix şəhərinin eyniadlı təmsilçisi ölkə çempionatının ilk turunda “Yanq Boyz”a 0:4 hesabı ilə uduzub, 2-ci turda isə “Lutsern”lə qolsuz heç-heçə edib.

Sabah keçiriləcək “Sürix” – “Qarabağ” matçı Bakı vaxtı ilə saat 21:00-da başlayacaq. “Köhlən atlar” Bakıdakı ilk görüşdə 3:2 hesablı qələbə qazanıb.