İsrafilovlu “Alkorkon” doğma meydanda xal itirdi

Futbol üzrə İspaniya Sequndasında 36-cı turun oyunları keçirilib.

Komanda.az xəbər verir ki, Azərbaycan yığmasının yarımmüdafiəçisi Eddi İsrafilovun formasını geyindiyi “Alkorkon” da növbəti matçına çıxıb.

Sözügedən kollektiv doğma meydanda “Osasuna” ilə üz-üzə gəlib. Futbolçumuzun komandası bu qarşılaşmadan heç-heçə ilə ayrılıb – 0:0.

İsrafilov da bu görüşün iştirakçısı olub. O, start heyətdə meydana çıxıb və sonadək mübarizə aparıb.

Hazırda 51 xala malik “Alkorkon” 22 iştirakçı arasında 11-ci pillədə qərarlaşıb.