PSJ-nin prezidenti ilə Peresin münasibəti nə vaxt korlanıb?

PSJ-nin prezidenti Nasser Əl-Xələfi ilə “Real”ın prezidenti Florentino Peresin münasibətləri soyuqdur.

Komanda.az xəbər verir ki, bu barədə məlumatı Əl-Xələfi özü verib. O, Kilian Mbappe məsələsinə görə Pereslə əlaqə saxlamağa lüzum olmadığını da bildirib:

“Real”a hörmət edirəm, amma Super Liqa ideyasından sonra Pereslə o qədər də yaxşı münasibətim yoxdur. “Real” böyük klubdur. Onlar bizə hörmət edir, biz də onlara hörmət edirik. Qarşılıqlı hörmət önəmlidir. Amma Mbappe bizim oyunçumuzdur və bu haqda heç kiminlə, o cümlədən Pereslə danışmağımıza lüzum yoxdur”.

Mbappe son anda “Real”a keçməkdən imtina edib və PSJ ilə yeni müqavilə bağlayıb. Fransalı hücumçunun Paris klubu ilə yeni müqaviləsi 2025-ci ilin iyun ayına kimi nəzərdə tutulub.