Simeone: “Öz oyun üslubumuzdan çox da uzaqlaşmayacağıq”

“Atletiko”nun baş məşqçisi Dieqo Simeone Çempionlar Liqasının 1/4 final mərhələsinin “Mançester Siti” ilə cavab oyunu ilə bağlı gözləntilərini bölüşüb.

Komanda.az xəbər verir ki, UEFA-nın rəsmi saytına danışan argentinalı mütəxəssis, “Mançester Siti”nin ünvanına xoş sözlər deyib:

“Mançester Siti” rəqibdən asılı olmayaraq, həmişə eyni tərzdə oynayır. Onların azarkeşlər tərəfindən qəbul edilən və rəğbətlə qarşılanan müəyyən bir fəlsəfəsi var. “Mançester Siti”nin əla futbolçuları və böyük məşqçisi var.

Biz öz oyun üslubumuzdan çox da uzaqlaşmayacağıq. Ümid edirəm ki, müdafiədən hücuma tez çıxa biləcəyik. Həmçinin, əks-hücumlardan da yaxşı istifadə edəcəyimizə inanıram”.

“Atletiko” – “Mançester Siti” oyunu bu gün keçiriləcək və saat 23:00-da başlayacaq. İlk oyun İngiltərə klubunun qələbəsi ilə yekunlaşıb – 1:0.