Mahir debüt etdi, “Dinamo” darmadağına sevindi

Futbol üzrə Azərbaycan millisinin hücumçusu Mahir Emreli Xorvatiya çempionatında debüt edib.

Komanda.az xəbər verir ki, o, 26-cı tur çərçivəsində Zaqreb “Dinamo”sunun “Sibenik”ə qarşı keçirdiyi ev oyununun iştirakçısı olub.

Paytaxt klubunda ilk dəfə start heyətində meydana çıxan forvard 60-cı dəqiqədə Komnen Andriçlə əvəzlənib. Emreli birinci hissədə “Dinamo”da ilk qolunu vurmağa yaxın olsa da, qüvvətli zərbəsindən sonra top qapı tirinə tuş gəlib. Oyun isə Zaqreb təmsilçisinin 3:0 hesablı qələbəsi ilə yekunlaşıb.

Bu qələbədən sonra xallarını 53-ə çatdıran “Dinamo” turnir cədvəlində ilk pilləyə yüksəlib.