“Bayern” və “Borussiya”dan darmadağın

Futbol üzrə Almaniya Bundesliqasında 23-cü tura yekun vurulub.

Komanda.az xəbər verir ki, ilk oyun günündə bir qarşılaşma baş tutub. Turun açılış matçında “Bayer” səfərdə “Maynts”la qarşılaşıb. Beş qolun qeydə alındığı oyun meydan sahiblərinin qələbəsiylə yekunlaşıb.

Şənbə günü daha beş qarşılaşma baş tutub. “Ştutqart” – “Bohum” matçında qalib müəyyənləşməyib. “Arminiya” “Union Berlin”i, “Köln” isə “Ayntraxt”ı məğlub yola salıb.

“Auqsburq” doğma meydanda “Frayburq”a, “Volfsburq” isə “Hoffenhaym”a uduzub.

Ötən tur məğlubiyyətlə üzləşən “Bayern” autsayder “Qroyter”i qəbul edib və darmadağınla qalib gəlib. Dortmund “Borussiya”sının bu turdakı rəqibi Münhenqladbax “Borussiya”sı olub. Bu oyunda da meydan sahibləri darmadağına seviniblər.

Almaniya Bundesliqası, 23-cü tur

18 fevral

Maynts – Bayer 3:2
Qol: Martin, 57. Boetiuus, 84. İnqvartsen, 88 – Şik, 35. Alario, 74.

19 fevral

Arminiya – Yunion 1:0
Qol: Okuqava, 53.

Auqsburq – Frayburq 1:2
Qol: Qreqoritş, 16 – Petersen, 4. Şlotterbek, 26.

Volfsburq – Hoffenhaym 1:2
Qol: Vind, 36 – Larsen, 73. Kramariç, 78.

Ştutqart – Bohum 1:1
Qol: Bella, 56-öz qapısına – Louen, 90+4-pen.

Köln – Ayntraxt 1:0
Qol: Modeste, 84.

20 fevral

Bayern – Qroyter 4:1
Qol: Levandovski, 46; 82. Qrisbek, 61-öz qapısına. Şupo-Motinq, 90+1 – Hrqota, 42.

Borussiya D – Borussiya M 6:0
Qol: Roys, 26; 82. Malen, 32. Volf, 70. Mukoko, 74. E.Can, 90+1.

Herta – Leyptsiq 1:6
Qol: Yovetiç, 48 – Henriks, 20. Nkunku, 64; 67. Olmo, 75. Haydara, 82. Poulsen, 89.