“Rəqib qapısına düzgün zərbə endirə bilmədik” – Sulşer

“Mançester Yunayted”in baş məşqçisi Ole-Qunnar Sulşer Çempionlar Liqasının 1/4 finalında “Barselona” ilə qarşılaşdıqları oyundan sonra fikirlərini bildirib.

Komanda.az xəbər verir ki, norveçli mütəxəssis, 0:1 hesabıyla məğlub olduqları oyunu belə şərh edib:

“Barselona” kimi üst səviyyəli bir komandayla qarşılaşdıq. Topun onlarda olacağını və daha çox müdafiə olunmalı olduğumuzu bilirdik.

Lionel Messi mükəmməl futbolçudur. Onu dayandıra bildiyimizi düşünürəm. Ancaq digər məsələlərdə çox pis idik. Rəqib qapısına düzgün zərbə endirə bilmədik. “Kamp Nou”da daha yaxşı oynayıb, qol imkanları yaradacağıq”.

Çempionlar Liqasının 1/4 final mərhələsinin cavab oyunu çərçivəsində keçiriləcək “Barselona” – “Mançester Yunayted” matçı aprelin 16-da, saat 23:00-da start götürəcək.