Pedridən sonra Fatinin də müqaviləsi yenilənir – 1 milyardlıq maddə

İspaniyanın “Barselona” klubu yaxın zamanda futbolçusu Ansu Fatinin müqaviləsini yeniləyəcək.

Komanda.az xəbər verir ki, Kataloniya təmsilçisi 18 yaşlı hücumçuyla müddəti 2026-cı ilin yayına qədər olan müqavilə imzalayacaq. Bu barədə İspaniyanın “Marca” nəşri məlumat yayıb. Tərəflər arasında razılıq əldə olunduğu bildirilib.

Fatinin müqaviləsindəki sərbəstqalma məbləği 1 milyard avro olacaq.

“Barselona” bundan əvvəl Pedriylə müqaviləni yeniləmiş və onun da sərbəstqalma məbləğini 1 milyard avro müəyyən etmişdi.

Fatinin “Barselona”yla müqaviləsi 2022-ci ilin yayına qədərdir.