“Düşünürəm ki, 5:0 hesabıyla qələbə qazanacağıq” – ölkə prezidenti

Braziliyanın prezidenti Jair Bolsonaro Amerika kubokunun finalı çərçivəsində keçiriləcək Argentina – Braziliya matçı ilə bağlı təxminlərini deyib.

Komanda.az xarici mətbuata istinadən xəbər verir ki, ölkə rəhbəri, Braziliya yığmasının 5:0 hesablı qələbə qazanacağını deyib:

“Argentina prezidentinə demək istəyirəm ki, bizim və ölkələrimiz arasında heç bir rəqabət yoxdur. Bir-birimizə rəqib olacağımız yeganə yer Amerika kubokunun finalıdır.

Böyük hesabla qalib gəlməyimizi istəyirəm. Düşünürəm ki, 5:0 hesabıyla qələbə qazanacağıq. Lakin bu oyundan sonra biz yenidən yaxşı dost olacağıq”.

Argentina – Braziliya matçı iyulun 11-də, saat 04:00-da keçiriləcək.