“İnter”lə “Roma” doğma meydanda uduzdu

04/01/2019 | 01:04

İtaliya A Seriyasında 29-cu tura yekun vurulub.

Komanda.az xəbər verir ki, ilk oyun günündə bir qarşılaşma keçirilib. Autsayder “Kyevo” “Kalyari” ilə üz-üzə gəlib. Meydan sahibləri bu oyunda darmadağına üzülüblər.

Bu turda lider “Yuventus” “Empoli” ilə, “Milan” isə “Sampdoriya” ilə qarşılaşıb. Turin klubu doğma meydanda minimal hesabla qalib gəlib. Milanlılar isə səfərdə oxşar hesabla məğlub olublar.

29-cu turun maraqla gözlənilən qarşılaşması Milan şəhərində keçirilib. “İnter” öz meydanında “Latsio”nu qəbul edib və minimal hesabla məğlub olub.

Turun mərkəzi görüşü Romada keçirilib. Turnir cədvəlində ikinci sırada qərarlaşan “Napoli” “Roma” səfərinə yollanıb. Beş qolun qeydə alındığı qarşılaşmada Neapol təmsilçisi darmadağına sevinib.

İtaliya A Seriyası, 29-cu tur

29 mart

Kyevo – Kalyari 0:3
Qol: Pizakane, 16. Pedro, 33. İonita, 43.

30 mart

Udineze – Cenoa 2:0
Qol: Okaka, 4. Mandraqa, 61.

Yuventus – Empoli 1:0
Qol: M.Ken, 72.

Sampdoriya – Milan 1:0
Qol: Defrel, 1.

31 mart

Parma – Atalanta 1:3
Qol: Jervinyo, 8 – Paşaliç, 24. Sapata, 75; 90.

Roma – Napoli 1:4
Qol: Perotti, 45-pen – Milik, 2. Mertens, 50. Verdi, 54. Yunes, 81.

Fiorentina – Torino 1:1
Qol: Simeone, 7 – Bazelli, 34.

Frozinone – SPAL 0:1
Qol: Vikari, 13.

Bolonya – Sassuolo 2:1
Qol: Pulqar, 58-pen. Destro, 90 – Boqa, 90.

İnter – Latsio 0:1
Qol: Milinkoviç-Saviç, 13.