Di Françesko “Fiorentina”da?

Çempionlar Liqasında “Portu”ya məğlub olduqdan sonra “Roma”nın baş məşqçi postundan göndərilən Eusebio Di Françesko karyerasını yenə İtaliyada davam etdirə bilər.

Komanda.az İtaliya mətbuatına istinadən xəbər verir ki, A Seriyasında mübarizə aparan “Fiorentina” 49 yaşlı mütəxəssislə razılığa gəlib. “Roma”da illik 3 milyon avro qazanan italiyalı mütəxəssisin “Fiorentina”da 1,5 milyon avro alacağı və 3 illik müqavilə imzalayacağı bildirilir.

Di Françeskodan əvvəl “Çelsi”nin hazırkı baş məşqçisi Mauritsio Sarrini “sükan arxasına” gətirmək istəyən klub rəhbərliyinin, illik qazancı 6 milyon avro olduğu üçün 60 yaşlı mütəxəssisdən imtina etdiyi deyilir.

A Seriyasında keçirdiyi 28 turdan sonra 37 xalla 10-cu pillədə qərarlaşan “Fiorentina”nın hazırkı baş məşqçisi Stefano Pioli ilə müqaviləsi cari mövsümün sonunda bitir.