Depaydan açıqlama: “Lion”dan ayrılır?

“Lion”un futbolçusu Memfis Depay açıqlama verib.

Komanda.az xarici mətbuata istinadən xəbər verir ki, adı “Barselona” ilə hallanan hücumçu, Fransa klubunda xoşbəxt olduğunu deyib:

“Lion”da xoşbəxtəm. Möhtəşəm komandamız var və klub prezidenti ilə münasibətlərim də yaxşıdır. Gəlin, nə olacağını gözləyək. Mövsümün sonuna qədər komandada qala bilərəm”.

“Lion” Fransa Liqa 1-də liderdir. Memfis Depay bu mövsüm ölkə çempionatında 18 oyunda 10 qol vurub, 4 məhsuldar ötürmə edib.

26 yaşlı hücumçunun klubla müqaviləsi mövsümün sonuna qədərdir.