“Real”da qalmaqal: Məşqdə dava düşdü

Cari mövsümdə uğursuz çıxış edən, İspaniya kubokunda və Çempionlar Liqasında mübarizədən kənarda qalan “Real”da qalmaqal yaşanıb.

Komanda.az xəbər verir ki, La Liqanın 27-ci turu çərçivəsində keçirilən “Valyadolid” – “Real” matçından əvvəl, “kral klubu”nun son məşqində Marselo və Serxio Ramos mübahisə edib. Bu barədə İspaniyanın “Marca” nəşri məlumat yayıb.

Məşqdəki ikitərəfli oyunda qələbə qazanan Marselonun sevinməsi, Ramosun xoşuna gəlməyib. Bundan sonra Marselo ilə Ramos arasında mübahisə yaranıb. Bir neçə dəqiqə çəkən qalmaqal, digər futbolçuların araya girməsiylə bitib.

“Real” “Valyadolid”i səfərdə 4:1 hesabıyla məğlub edib.