“Yuventus” da “Barselona”ya rəqib oldu

Adı “Barselona” ilə yanaşı çəkilən “Lion”un futbolçusu Memfis Depay daha bir klubun hədəfindədir.

Komanda.az İngiltərə mətbuatına istinadən xəbər verir ki, “Yuventus” 26 yaşlı futbolçunun xidmətində maraqlıdır. Hücum xəttini gücləndirmək istəyən Turin klubu Depayı əsas namizəd olaraq müəyyənləşdirib. Klubun qış transfer dövründə fransızlarla danışığa başlayacağı bildirilir.

Niderlandlı hücumçunun adı PSJ ilə də yanaşı çəkilir.

2017-ci ildən Fransa təmsilçisinin şərəfini qoruyan Depayın klubla müqaviləsi cari mövsümün sonunda başa çatır.